福無雙至今朝至 禍不單行昨夜行

見家長流程:

1 點都要早到等，叫你條仔/女brief下你老人家喜歡人地點稱呼佢，禮物唔少得

2家長到，起身，叫聲世伯伯母，唔駛故意太熟(你第一次見佢地，又真係唔好咁熱情)，但一定要叫人，雙手遞上禮物，講句小小心意

3如果外面食飯，親手同老人家斟茶，屋企食就問佢地要唔要水，主動入廚房斟

4 無論邊度食，飯菜一定比平時多，第一野你未食前，同老人家夾件正肉或者乜都好，如果你覺得老人家唔係咁頂得住人地"熱情"，最少都叫大家食飯。世伯好飲一兩杯，你頂得順就一定要陪一杯

5 食飯時鑑貌辯色，唔一定要夾硬講笑，但老人家講野你唔可以當聽唔到，係咪都要笑笑口應下佢。如果晌酒樓，咁橋睇新聞老人家又係唔喜歡毓民大舊，你就算係人 民力量老燒死忠都唔好同佢拗，笑笑口係呀係呀就可以，當然最好先叫你條仔/女brief下你老人家喜歡傾乜。英國傳統教落，同人食飯二不講:政治同宗教。

6 到食完，你要先提出埋單，就算老人家真係唔介意請都要同佢"過兩招"先放手，屋企食的話你最好主動提出幫手執野，老人家話唔駛至好行開，如果人地老母洗緊野又堅持唔駛你執，都要企晌廚房門口同佢寒暄幾句

7 到散場，你要陪老人家出到門口，佢地上車走你先同條仔/女去玩，mission accomplished

行晒呢七步，我敢講老人家唔愛死你都印象一定不會差